लिङ्गाष्टकम्

ब्रह्ममुरारिसुरार्चितलिङ्गं निर्मलभासितशोभितलिङ्गम् ।जन्मजदुःखविनाशकलिङ्गं तत्प्रणमामि सदाशिवलिङ्गम् ॥१॥

Brahma Murari Surarchita LingamNirmala Bhasita Shobhita LingamJanmaja Duhkha Vinashaka LingamTat Pranamami Sadashiva Lingam ॥1॥

देवमुनिप्रवरार्चितलिङ्गं कामदहं करुणाकरलिङ्गम् ।रावणदर्पविनाशनलिङ्गं तत्प्रणमामि सदाशिवलिङ्गम् ॥२॥

Deva Muni Pravararchita LingamKamadaham Karunakara LingamRavana Darpa Vinashana LingamTat Pranamami Sadashiva Lingam ॥2॥

सर्वसुगन्धिसुलेपितलिङ्गं बुद्धिविवर्धनकारणलिङ्गम् ।सिद्धसुरासुरवन्दितलिङ्गं तत्प्रणमामि सदाशिवलिङ्गम् ॥३॥

Sarva Sugandhi Sulepita LingamBuddhi Vivardhana Karana LingamSiddha Surasura Vandita LingamTat Pranamami Sadashiva Lingam ॥3॥

कनकमहामणिभूषितलिङ्गं फणिपतिवेष्टितशोभितलिङ्गम् ।दक्षसुयज्ञविनाशनलिङ्गं तत्प्रणमामि सदाशिवलिङ्गम् ॥४॥

Kanaka Maha Mani Bhushita LingamPhanipati Veshtita Shobhita LingamDaksha Suyajna Vinashana LingamTat Pranamami Sadashiva Lingam ॥4॥

कुङ्कुमचन्दनलेपितलिङ्गं पङ्कजहारसुशोभितलिङ्गम् ।सञ्चितपापविनाशनलिङ्गं तत्प्रणमामि सदाशिवलिङ्गम् ॥५॥

Kunkuma Chandana Lepita LingamPankaja Hara Sushobhita LingamSanchita Papa Vinashana LingamTat Pranamami Sadashiva Lingam ॥5॥

देवगणार्चितसेवितलिङ्गं भावैर्भक्तिभिरेव च लिङ्गम् ।दिनकरकोटिप्रभाकरलिङ्गं तत्प्रणमामि सदाशिवलिङ्गम् ॥६॥

Deva Ganarchita Sevita LingamBhavair Bhaktibhir Eva Cha LingamDinakara Koti Prabhakara LingamTat Pranamami Sadashiva Lingam ॥6॥

अष्टदलोपरिवेष्टितलिङ्गं सर्वसमुद्भवकारणलिङ्गम् ।अष्टदरिद्रविनाशितलिङ्गं तत्प्रणमामि सदाशिवलिङ्गम् ॥७॥

Ashtadalopari Veshtita LingamSarva Samudbhava Karana LingamAshta Daridra Vinashita LingamTat Pranamami Sadashiva Lingam ॥7॥

सुरगुरुसुरवरपूजितलिङ्गं सुरवनपुष्पसदार्चितलिङ्गम् ।परात्परं परमात्मकलिङ्गं तत्प्रणमामि सदाशिवलिङ्गम् ॥८॥

Suraguru Suravara Pujita LingamSuravana Pushpa Sadarchita LingamParatparam Paramatmaka LingamTat Pranamami Sadashiva Lingam ॥8॥

लिङ्गाष्टकमिदं पुण्यं यः पठेच्छिवसन्निधौ ।शिवलोकमवाप्नोति शिवेन सह मोदते ॥९॥

Lingashtakam Idam PunyamYah Pathecchiva SannidhauShivalokam AvapnotiShivena Saha Modate ॥9॥