श्रीरामरक्षास्तोत्रम्

॥ ॐ श्रीगणेशाय नमः ॥अस्य श्रीरामरक्षास्तोत्रमन्त्रस्य । बुधकौशिक ऋषिः ।श्रीसीतारामचन्द्रो देवता । अनुष्टुप् छन्दः ।सीता शक्तिः । श्रीमद् हनुमान् कीलकम् ।श्रीरामचन्द्रप्रीत्यर्थे रामरक्षास्तोत्रजपे विनियोगः ॥

॥ Om Shri Ganeshaya Namah ॥Asya Shri Ram Raksha Stotra Mantrasya, Budha Kaushika Rishih,Shri Sitaramachandro Devata, Anushtup Chhandah,Sita Shaktih, Shrimad Hanuman Kilakam,Shri Ramachandra Preetyarthe Ram Raksha Stotra Jape Viniyogah ॥

॥ अथ ध्यानम् ॥ध्यायेदाजानुबाहुं धृतशरधनुषं बद्धपद्मासनस्थंपीतं वासो वसानं नवकमलदलस्पर्धिनेत्रं प्रसन्नम् ।वामाङ्कारूढसीतामुखकमलमिलल्लोचनं नीरदाभंनानालङ्कारदीप्तं दधतमुरुजटामण्डनं रामचन्द्रम् ॥

॥ Atha Dhyanam ॥Dhyayedajanubahum Dhritasharadhanusham BaddhapadmasanasthamPeetam Vaso Vasanam Navakamaladalaspardhinetram PrasannamVamankarudha Sitamukhakamala Milallochanam NeeradabhamNanalankaradeeptam Dadhatam Urujatamandanam Ramachandram ॥

चरितं रघुनाथस्य शतकोटिप्रविस्तरम् ।एकैकमक्षरं पुंसां महापातकनाशनम् ॥१॥

Charitam Raghunathasya Shatakoti PravistaramEkaikam Aksharam Punsam Mahapataka Nashanam ॥1॥

ध्यात्वा नीलोत्पलश्यामं रामं राजीवलोचनम् ।जानकीलक्ष्मणोपेतं जटामुकुटमण्डितम् ॥२॥

Dhyatva Neelotpala Shyamam Ramam RajeevalochanamJanaki Lakshmanopetam Jatamukuta Mandhitam ॥2॥

सासितूणधनुर्बाणपाणिं नक्तञ्चरान्तकम् ।स्वलीलया जगत्त्रातुमाविर्भूतमजं विभुम् ॥३॥

Sasitoona Dhanurbanapanim NaktancharantakamSwaleelaya Jagattratum Aavirbhootam Ajam Vibhum ॥3॥

रामरक्षां पठेत्प्राज्ञः पापघ्नीं सर्वकामदाम् ।शिरो मे राघवः पातु भालं दशरथात्मजः ॥४॥

Ram Raksham Pathet Prajnah Papaghneem SarvakamadamShiro Me Raghavah Patu Bhalam Dasharathatmajah ॥4॥

कौसल्येयो दृशौ पातु विश्वामित्रप्रियः श्रुती ।घ्राणं पातु मखत्राता मुखं सौमित्रिवत्सलः ॥५॥

Kausalyeyo Drishau Patu Vishwamitrapriyah ShruteeGhranam Patu Makhatrata Mukham Saumitrivatsalah ॥5॥

जिह्वां विद्यानिधिः पातु कण्ठं भरतवन्दितः ।स्कन्धौ दिव्यायुधः पातु भुजौ भग्नेशकार्मुकः ॥६॥

Jihvam Vidyanidhih Patu Kantham BharatavanditahSkandhau Divyayudhah Patu Bhujau Bhagneshakarmukah ॥6॥

करौ सीतापतिः पातु हृदयं जामदग्न्यजित् ।मध्यं पातु खरध्वंसी नाभिं जाम्बवदाश्रयः ॥७॥

Karau Sitapatih Patu Hridayam JamadagnyajitMadhyam Patu Kharadhwamsee Nabhim Jambavadashrayah ॥7॥

सुग्रीवेशः कटी पातु सक्थिनी हनुमत्प्रभुः ।ऊरू रघूत्तमः पातु रक्षःकुलविनाशकृत् ॥८॥

Sugriveshah Katee Patu Sakthinee HanumatprabhuhOoroo Raghuttamah Patu Rakshahkulavinashakrit ॥8॥

जानुनी सेतुकृत्पातु जङ्घे दशमुखान्तकः ।पादौ विभीषणश्रीदः पातु रामोऽखिलं वपुः ॥९॥

Janunee Setukrit Patu Janghe DashamukhantakahPadau Vibheeshanashreedah Patu Ramo Akhilam Vapuh ॥9॥

एतां रामबलोपेतां रक्षां यः सुकृती पठेत् ।स चिरायुः सुखी पुत्री विजयी विनयी भवेत् ॥१०॥

Etam Ram Balopetam Raksham Yah Sukritee PathetSa Chirayuh Sukhee Putree Vijayee Vinayee Bhavet ॥10॥

पातालभूतलव्योमचारिणश्छद्मचारिणः ।न द्रष्टुमपि शक्तास्ते रक्षितं रामनामभिः ॥११॥

Patalabhootala Vyomacharinah ChhadmacharinahNa Drashtum Api Shaktaste Rakshitam Ramanamabhih ॥11॥

रामेति रामभद्रेति रामचन्द्रेति वा स्मरन् ।नरो न लिप्यते पापैर्भुक्तिं मुक्तिं च विन्दति ॥१२॥

Rameti Ramabhadreti Ramachandreti Va SmaranNaro Na Lipyate Papair Bhuktim Muktim Cha Vindati ॥12॥

जगज्जैत्रैकमन्त्रेण रामनाम्नाभिरक्षितम् ।यः कण्ठे धारयेत्तस्य करस्थाः सर्वसिद्धयः ॥१३॥

Jagajjaitraika Mantrena RamanamnabhirakshitamYah Kanthe Dharayettasya Karasthah Sarvasiddhayah ॥13॥

वज्रपञ्जरनामेदं यो रामकवचं स्मरेत् ।अव्याहताज्ञः सर्वत्र लभते जयमङ्गलम् ॥१४॥

Vajrapanjaranamedam Yo Ram Kavacham SmaretAvyahatajnah Sarvatra Labhate Jayamangalam ॥14॥

आदिष्टवान्यथा स्वप्ने रामरक्षामिमां हरः ।तथा लिखितवान्प्रातः प्रबुद्धो बुधकौशिकः ॥१५॥

Adishtavan Yatha Swapne Ram Rakshamimam HarahTatha Likhitavan Pratah Prabuddho Budhakaushikah ॥15॥

आरामः कल्पवृक्षाणां विरामः सकलापदाम् ।अभिरामस्त्रिलोकानां रामः श्रीमान् स नः प्रभुः ॥१६॥

Aramah Kalpavrikshanam Viramah SakalapadamAbhiramastrilokanam Ramah Shreeman Sa Nah Prabhuh ॥16॥

तरुणौ रूपसम्पन्नौ सुकुमारौ महाबलौ ।पुण्डरीकविशालाक्षौ चीरकृष्णाजिनाम्बरौ ॥१७॥

Tarunau Roopasampannau Sukumarau MahabalauPundareekavishalakshau Cheerakrishnajinambarau ॥17॥

फलमूलाशिनौ दान्तौ तापसौ ब्रह्मचारिणौ ।पुत्रौ दशरथस्यैतौ भ्रातरौ रामलक्ष्मणौ ॥१८॥

Phalamoolashinau Dantau Tapasau BrahmacharinauPutrau Dasharathasyaitau Bhratarau Ramalakshmanau ॥18॥

शरण्यौ सर्वसत्त्वानां श्रेष्ठौ सर्वधनुष्मताम् ।रक्षःकुलनिहन्तारौ त्रायेतां नो रघूत्तमौ ॥१९॥

Sharanyau Sarvasattvanam Shreshthau SarvadhanushmatamRakshahkulanihantarau Trayetam No Raghuttamau ॥19॥

आत्तसज्यधनुषाविषुस्पृशावक्षयाशुगनिषङ्गसङ्गिनौ ।रक्षणाय मम रामलक्ष्मणावग्रतः पथि सदैव गच्छताम् ॥२०॥

Attasajyadhanushavishuspri ShavakshayashuganishangasanginauRakshanaya Mama Ramalakshmanavagratah Pathi Sadaiva Gachchhatam ॥20॥

सन्नद्धः कवची खड्गी चापबाणधरो युवा ।गच्छन्मनोरथान्नश्च रामः पातु सलक्ष्मणः ॥२१॥

Sannaddhah Kavachee Khadgee Chapabanadharo YuvaGachchhanmanorathannashcha Ramah Patu Salakshmanah ॥21॥

रामो दाशरथिः शूरो लक्ष्मणानुचरो बली ।काकुत्स्थः पुरुषः पूर्णः कौसल्येयो रघूत्तमः ॥२२॥

Ramo Dasharathih Shooro Lakshmananucharo BaleeKakutsthah Purushah Poornah Kausalyeyo Raghuttamah ॥22॥

वेदान्तवेद्यो यज्ञेशः पुराणपुरुषोत्तमः ।जानकीवल्लभः श्रीमानप्रमेयपराक्रमः ॥२३॥

Vedantavedyo Yajnyeshah PuranapurushottamahJanakeevallabhah Shreemanaprameyaparakramah ॥23॥

इत्येतानि जपेन्नित्यं मद्भक्तः श्रद्धयान्वितः ।अश्वमेधाधिकं पुण्यं सम्प्राप्नोति न संशयः ॥२४॥

Ityetani Japennityam Madbhaktah ShraddhayanvitahAshwamedhadhikam Punyam Sampraapnoti Na Sanshayah ॥24॥

रामं दूर्वादलश्यामं पद्माक्षं पीतवाससम् ।स्तुवन्ति नामभिर्दिव्यैर्न ते संसारिणो नराः ॥२५॥

Ramam Durvadalashyamam Padmaksham PeetavasasamStuvanti Namabhirdivyairna Te Sansarino Narah ॥25॥

रामं लक्ष्मणपूर्वजं रघुवरं सीतापतिं सुन्दरम् ।काकुत्स्थं करुणार्णवं गुणनिधिं विप्रप्रियं धार्मिकम् ।राजेन्द्रं सत्यसन्धं दशरथतनयं श्यामलं शान्तमूर्तिम् ।वन्दे लोकाभिरामं रघुकुलतिलकं राघवं रावणारिम् ॥२६॥

Ramam Lakshmanapoorvajam Raghuvaram Sitapatim SundaramKakutstham Karunarnavam Gunanidhim Viprapriyam DharmikamRajendram Satyasandham Dasharathatanayam Shyamalam ShantamurtimVande Lokabhiramam Raghukulatilakam Raghavam Ravanarim ॥26॥

रामाय रामभद्राय रामचन्द्राय वेधसे ।रघुनाथाय नाथाय सीतायाः पतये नमः ॥२७॥

Ramaya Ramabhadraya Ramachandraya VedhaseRaghunathaya Nathaya Sitayah Pataye Namah ॥27॥

श्रीराम राम रघुनन्दन राम रामश्रीराम राम भरताग्रज राम राम ।श्रीराम राम रणकर्कश राम रामश्रीराम राम शरणं भव राम राम ॥२८॥

Shrirama Rama Raghunandana Rama RamaShrirama Rama Bharatagraja Rama RamaShrirama Rama Ranakarkasha Rama RamaShrirama Rama Sharanam Bhava Rama Rama ॥28॥

श्रीरामचन्द्रचरणौ मनसा स्मरामिश्रीरामचन्द्रचरणौ वचसा गृणामि ।श्रीरामचन्द्रचरणौ शिरसा नमामिश्रीरामचन्द्रचरणौ शरणं प्रपद्ये ॥२९॥

Shriramachandra Charanau Manasa SmaramiShriramachandra Charanau Vachasa GrinamiShriramachandra Charanau Shirasa NamamiShriramachandra Charanau Sharanam Prapadye ॥29॥

माता रामो मत्पिता रामचन्द्रःस्वामी रामो मत्सखा रामचन्द्रः ।सर्वस्वं मे रामचन्द्रो दयालुःनान्यं जाने नैव जाने न जाने ॥३०॥

Mata Ramo Matpita RamachandrahSwami Ramo Matsakha RamachandrahSarvasvam Me Ramachandro DayaluhNanyam Jane Naiva Jane Na Jane ॥30॥

दक्षिणे लक्ष्मणो यस्य वामे तु जनकात्मजा ।पुरतो मारुतिर्यस्य तं वन्दे रघुनन्दनम् ॥३१॥

Dakshine Lakshmano Yasya Vame Tu JanakatmajaPurato Marutiryasya Tam Vande Raghunandanam ॥31॥

लोकाभिरामं रणरङ्गधीरंराजीवनेत्रं रघुवंशनाथम् ।कारुण्यरूपं करुणाकरं तंश्रीरामचन्द्रं शरणं प्रपद्ये ॥३२॥

Lokabhiramam RanarangadheeramRajeevanetram RaghuvamshanathamKarunyaroopam Karunakaram TamShriramachandram Sharanam Prapadye ॥32॥

मनोजवं मारुततुल्यवेगंजितेन्द्रियं बुद्धिमतां वरिष्ठम् ।वातात्मजं वानरयूथमुख्यंश्रीरामदूतं शरणं प्रपद्ये ॥३३॥

Manojavam MarutatulyavegamJitendriyam Buddhimatam VarishthamVatatmajam VanarayoothamukhyamShriramadootam Sharanam Prapadye ॥33॥

कूजन्तं रामरामेति मधुरं मधुराक्षरम् ।आरुह्य कविताशाखां वन्दे वाल्मीकिकोकिलम् ॥३४॥

Koojantam Ramarameti Madhuram MadhuraksharamAaruhya Kavitashakham Vande Valmeekikokilam ॥34॥

आपदामपहर्तारं दातारं सर्वसम्पदाम् ।लोकाभिरामं श्रीरामं भूयो भूयो नमाम्यहम् ॥३५॥

Apadamapahartaram Dataram SarvasampadamLokabhiramam Shriramam Bhooyo Bhooyo Namamyaham ॥35॥

भर्जनं भवबीजानामर्जनं सुखसम्पदाम् ।तर्जनं यमदूतानां रामरामेति गर्जनम् ॥३६॥

Bharjanam Bhavabeejanamarjanam SukhasampadamTarjanam Yamadootanam Ramarameti Garjanam ॥36॥

रामो राजमणिः सदा विजयते रामं रमेशं भजेरामेणाभिहता निशाचरचमू रामाय तस्मै नमः ।रामान्नास्ति परायणं परतरं रामस्य दासोऽस्म्यहंरामे चित्तलयः सदा भवतु मे भो राम मामुद्धर ॥३७॥

Ramo Rajamanih Sada Vijayate Ramam Rameshham BhajeRamenabhihata Nishacharachamoo Ramaya Tasmai NamahRamannasti Parayanam Parataram Ramasya DasosmyahamRame Chittalayah Sada Bhavatu Me Bho Rama Mamuddhara ॥37॥

रामरामेति रामेति रमे रामे मनोरमे ।सहस्रनामतत्तुल्यं रामनाम वरानने ॥३८॥

Ramarameti Rameti Rame Rame ManorameSahasranamatattulyam Ramanama Varanane ॥38॥

इति श्रीबुधकौशिकविरचितं श्रीरामरक्षास्तोत्रं सम्पूर्णम् ॥॥ श्रीसीतारामचन्द्रार्पणमस्तु ॥

Iti Shri Budhakaushika Virachitam Shri Ram Raksha Stotram Sampurnam ॥॥ Shri Sitaramachandrarpanamastu ॥