गणपति अथर्वशीर्ष

ॐ भद्रं कर्णेभिः शृणुयाम देवाः ।भद्रं पश्येमाक्षभिर्यजत्राः ॥स्थिरैरंगैस्तुष्टुवांसस्तनूभिः ।व्यशेम देवहितं यदायुः ॥

Om Bhadram Karnebhih Shrunuyama DevahBhadram PashyemakshabhiryajatrahSthirairangaistushtuvamsas TanubhihVyashema Devahitam Yadayuh

स्वस्ति न इन्द्रो वृद्धश्रवाः ।स्वस्ति नः पूषा विश्ववेदाः ॥स्वस्तिनस्तार्क्ष्यो अरिष्टनेमिः ।स्वस्ति नो बृहस्पतिर्दधातु ॥

Swasti Na Indro VriddhashravahSwasti Nah Pusha VishvavedahSwastinastarkshyo ArishtanemihSwasti No Brihaspatirdadhatu

ॐ शान्तिः । शान्तिः ॥ शान्तिः ॥

Om Shantih Shantih Shantih

हरिः ॐ नमस्ते गणपतये ॥त्वमेव प्रत्यक्षं तत्त्वमसि ॥ त्वमेव केवलं कर्तासि ॥त्वमेव केवलं धर्तासि ॥ त्वमेव केवलं हर्तासि ॥त्वमेव सर्वं खल्विदं ब्रह्मासि ॥त्वं साक्षादात्मासि नित्यम् ॥१॥

Harih Om Namaste GanapatayeTvameva Pratyaksham Tattvamasi Tvameva Kevalam KartasiTvameva Kevalam Dhartasi Tvameva Kevalam HartasiTvameva Sarvam Khalvidam BrahmasiTvam Sakshadatmasi Nityam

ऋतं वच्मि ॥ सत्यं वच्मि ॥२॥

Ritam Vachmi Satyam Vachmi

अव त्वं माम् ॥ अव वक्तारम् ॥ अव श्रोतारम् ॥अव दातारम् ॥ अव धातारम् ॥अवानूचानमव शिष्यम् ॥अव पश्चात्तात् ॥ अव पुरस्तात् ॥अवोत्तरात्तात् ॥ अव दक्षिणात्तात् ॥अव चोर्ध्वात्तात् ॥ अवाधरात्तात् ॥सर्वतो मां पाहि पाहि समंतात् ॥३॥

Ava Tvam Mam Ava Vaktaram Ava ShrotaramAva Dataram Ava DhataramAvanuchanamava ShishyamAva Pashchattat Ava PurastatAvottarattat Ava DakshinattatAva Chordhvattat AvadharattatSarvato Mam Pahi Pahi Samantat

त्वं वाङ्मयस्त्वं चिन्मयः ॥त्वमानंदमयस्त्वं ब्रह्ममयः ॥त्वं सच्चिदानंदाद्वितीयोऽसि ॥त्वं प्रत्यक्षं ब्रह्मासि ॥त्वं ज्ञानमयो विज्ञानमयोऽसि ॥४॥

Tvam Vangmayastvam ChinmayahTvamanandamayastvam BrahmamayahTvam SacchidanandadvitiyosiTvam Pratyaksham BrahmasiTvam Gyanamayo Vigyanamayosi

सर्वं जगदिदं त्वत्तो जायते ॥सर्वं जगदिदं त्वत्तस्तिष्ठति ॥सर्वं जगदिदं त्वयि लयमेष्यति ॥सर्वं जगदिदं त्वयि प्रत्येति ॥त्वं भूमिरापोऽनलोऽनिलो नभः ॥त्वं चत्वारि वाक्पदानि ॥५॥

Sarvam Jagadidam Tvatto JayateSarvam Jagadidam TvattastishthatiSarvam Jagadidam Tvayi LayameshyatiSarvam Jagadidam Tvayi PratyetiTvam Bhoomirapo Analo Anilo NabhahTvam Chatvari Vakpadani

त्वं गुणत्रयातीतः त्वमवस्थात्रयातीतः ॥त्वं देहत्रयातीतः ॥ त्वं कालत्रयातीतः ॥त्वं मूलाधारस्थितोऽसि नित्यम् ॥त्वं शक्तित्रयात्मकः ॥त्वां योगिनो ध्यायंति नित्यं ॥त्वं ब्रह्मा त्वं विष्णुस्त्वं रुद्रस्त्वंइन्द्रस्त्वं अग्निस्त्वं वायुस्त्वं सूर्यस्त्वं चंद्रमास्त्वंब्रह्मभूर्भुवःस्वरोम् ॥६॥

Tvam Gunatrayatitah TvamavasthatrayatitahTvam Dehatrayatitah Tvam KalatrayatitahTvam Mooladharasthitosi NityamTvam ShaktitrayatmakahTvam Yogino Dhyayanti NityamTvam Brahma Tvam Vishnustvam RudrastvamIndrastvam Agnistvam Vayustvam Suryastvam ChandramastvamBrahma Bhur Bhuvah Svarom

गणादिं पूर्वमुच्चार्य वर्णादिं तदनंतरं ॥अनुस्वारः परतरः ॥ अर्धेन्दुलसितं ॥ तारेण ऋद्धम् ॥एतत्तव मनुस्वरूपं ॥ गकारः पूर्वरूपं ॥अकारो मध्यमरूपं ॥ अनुस्वारश्चान्त्यरूपं ॥बिन्दुरुत्तररूपं ॥ नादः संधानं ॥संहितासंधिः ॥ सैषा गणेशविद्या ॥गणकऋषिः ॥ निचृद्गायत्रीच्छंदः ॥गणपतिर्देवता ॥ ॐ गं गणपतये नमः ॥७॥

Ganadim Poorvamuchcharya Varnadim TadanantaramAnusvarah Paratarah Ardhendulasitam Tarena RiddhamEtattava Manusvarupam Gakarah PoorvarupamAkaro Madhyamarupam AnusvarashchantyarupamBindiruttararupam Nadah SandhanamSanhitasandhih Saisha GaneshavidyaGanaka Rishih NichridgayatrichchandahGanapatirdevata Om Gam Ganapataye Namah

एकदंताय विद्महे । वक्रतुण्डाय धीमहि ॥तन्नो दंतिः प्रचोदयात् ॥८॥

Ekadantaya Vidmahe Vakratundaya DhimahiTanno Dantih Prachodayat

एकदंतं चतुर्हस्तं पाशमंकुशधारिणम् ॥रदं च वरदं हस्तैर्बिभ्राणं मूषकध्वजम् ॥रक्तं लंबोदरं शूर्पकर्णकं रक्तवाससम् ॥रक्तगंधानुलिप्तांगं रक्तपुष्पैः सुपूजितम् ॥भक्तानुकंपिनं देवं जगत्कारणमच्युतम् ॥आविर्भूतं च सृष्ट्यादौ प्रकृतेः पुरुषात्परम् ॥एवं ध्यायति यो नित्यं स योगी योगिनां वरः ॥९॥

Ekadantam Chaturhastam PashamankushadharinamRadam Cha Varadam Hastairbibhranam MooshakadhwajamRaktam Lambodaram Shurpakarnakam RaktavasasamRaktagandhanuliptangam Raktapushpaih SupoojitamBhaktanukampinam Devam JagatkaranamachyutamAvirbhootam Cha Srishtyadau Prakriteh PurushatparamEvam Dhyayati Yo Nityam Sa Yogi Yoginam Varah

नमो व्रातपतये । नमो गणपतये । नमः प्रमथपतये ।नमस्तेऽस्तु लंबोदरायैकदंताय ।विघ्ननाशिने शिवसुताय । श्रीवरदमूर्तये नमो नमः ॥१०॥

Namo Vratapataye Namo Ganapataye Namah PramathapatayeNamaste-astu LambodarayaikadantayaVighnanashine Shivasutaya Shrivaradamurtaye Namo Namah

एतदथर्वशीर्षं योऽधीते ॥ स ब्रह्मभूयाय कल्पते ॥स सर्वविघ्नैर्न बाध्यते ॥ स सर्वतः सुखमेधते ॥स पंचमहापापात्प्रमुच्यते ॥सायमधीयानो दिवसकृतं पापं नाशयति ॥प्रातरधीयानो रात्रिकृतं पापं नाशयति ॥सायंप्रातः प्रयुंजानो पापोऽपापो भवति ॥सर्वत्राधीयानोऽपविघ्नो भवति ॥धर्मार्थकाममोक्षं च विंदति ॥इदमथर्वशीर्षमशिष्याय न देयम् ॥यो यदि मोहाद्दास्यति स पापीयान् भवति ।सहस्रावर्तनात् यं यं काममधीते तं तमनेन साधयेत् ॥११॥

Etadatharvashirsham Yodhite Sa Brahmabhooyaya KalpateSa Sarvavighnairna Badhyate Sa Sarvatah SukhamedhateSa Panchamahapapat PramuchyateSayamadhiyano Divasakritam Papam NashayatiPrataradhiyano Ratrikritam Papam NashayatiSayampratah Prayunjano Papo Apapo BhavatiSarvatradhiyanopavighno BhavatiDharmarthakamamoksham Cha VindatiIdamatharvashirshamashishyaya Na DeyamYo Yadi Mohaddasyati Sa Papiyan BhavatiSahasravartanat Yam Yam Kamamadhite Tam Tamanena Sadhayet

अनेन गणपतिमभिषिंचति स वाग्मी भवति ॥चतुर्थ्यामनश्नन् जपति स विद्यावान् भवति ॥इत्यथर्वणवाक्यं ॥ब्रह्माद्यावरणं विद्यात् न बिभेति कदाचनेति ॥१२॥

Anena Ganapatimabhishinchati Sa Vagmi BhavatiChaturthyamanashnan Japati Sa Vidyavan BhavatiItyatharvanavakyamBrahmadyavaranam Vidyat Na Bibheti Kadachaneti

यो दूर्वांकुरैर्यजति स वैश्रवणोपमो भवति ॥यो लाजैर्यजति स यशोवान् भवति ॥स मेधावान् भवति ॥यो मोदकसहस्रेण यजति स वाञ्छितफलमवाप्नोति ॥यः साज्यसमिद्भिर्यजति स सर्वं लभते स सर्वं लभते ॥१३॥

Yo Doorvankurairyajati Sa Vaishravanopamo BhavatiYo Lajairyajati Sa Yashovan BhavatiSa Medhavan BhavatiYo Modakasahasrena Yajati Sa VanchhitaphalamavapnotiYah Sajyasamidbhiryajati Sa Sarvam Labhate Sa Sarvam Labhate

अष्टौ ब्राह्मणान् सम्यग्ग्राहयित्वा सूर्यवर्चस्वी भवति ॥सूर्यग्रहे महानद्यां प्रतिमासंनिधौ वा जप्त्वा सिद्धमंत्रो भवति ॥महाविघ्नात्प्रमुच्यते ॥ महादोषात्प्रमुच्यते ॥महापापात्प्रमुच्यते ॥ महाप्रत्यवायात्प्रमुच्यते ॥स सर्वविद्भवति स सर्वविद्भवति ॥य एवं वेद इत्युपनिषत् ॥१४॥

Ashtau Brahmanan Samyagrahayitva Suryavarchasvi BhavatiSuryagrahe Mahanadyam Pratimasannidhau Va Japtva Siddhamantro BhavatiMahavighnat Pramuchyate Mahadoshat PramuchyateMahapapat Pramuchyate Mahapratyavayat PramuchyateSa Sarvavid Bhavati Sa Sarvavid BhavatiYa Evam Veda Ityupanishat

ॐ भद्रं कर्णेभिः शृणुयाम देवाः ।भद्रं पश्येमाक्षभिर्यजत्राः ॥स्थिरैरंगैस्तुष्टुवांसस्तनूभिः ।व्यशेम देवहितं यदायुः ॥

Om Bhadram Karnebhih Shrunuyama DevahBhadram PashyemakshabhiryajatrahSthirairangaistushtuvamsas TanubhihVyashema Devahitam Yadayuh

स्वस्ति न इन्द्रो वृद्धश्रवाः ।स्वस्ति नः पूषा विश्ववेदाः ॥स्वस्तिनस्तार्क्ष्यो अरिष्टनेमिः ।स्वस्ति नो बृहस्पतिर्दधातु ॥

Swasti Na Indro VriddhashravahSwasti Nah Pusha VishvavedahSwastinastarkshyo ArishtanemihSwasti No Brihaspatirdadhatu

ॐ शान्तिः । शान्तिः ॥ शान्तिः ॥

Om Shantih Shantih Shantih

इति श्रीगणपत्यथर्वशीर्षं समाप्तम् ॥

Iti Shri Ganapatyatharvashirsham Samaptam