बजरंग बाण

॥दोहा॥

Doha

निश्चय प्रेम प्रतीति ते, बिनय करैं सनमान।तेहि के कारज सकल शुभ, सिद्ध करैं हनुमान॥

Nishchay Prem Pratiti Te, Binay Karain SanmaanTehi Ke Karaj Sakal Shubh, Siddh Karain Hanuman

॥चौपाई॥

Chaupai

जय हनुमंत संत हितकारी।सुन लीजै प्रभु अरज हमारी॥

Jai Hanumant Sant HitkariSun Lijai Prabhu Araj Hamari

जन के काज बिलंब न कीजै।आतुर दौरि महा सुख दीजै॥

Jan Ke Kaj Bilamb Na KijaiAatur Dauri Maha Sukh Dijai

जैसे कूदि सिंधु महिपारा।सुरसा बदन पैठि बिस्तारा॥

Jaise Kudi Sindhu MahiparaSursa Badan Paithi Bistara

आगे जाय लंकिनी रोका।मारेहु लात गई सुरलोका॥

Aage Jaay Lankini RokaMarehu Laat Gai Surloka

जाय विभीषण को सुख दीन्हा।सीता निरखि परम पद लीन्हा॥

Jaay Vibhishan Ko Sukh DinhaSita Nirakhi Param Pad Linha

बाग उजारि सिंधु महँ बोरा।अति आतुर जम कातर तोरा॥

Baag Ujari Sindhu Mahan BoraAti Aatur Jam Katar Tora

अक्षय कुमार मारि संहारा।लूम लपेटि लंक को जारा॥

Akshay Kumar Mari SanharaLum Lapeti Lank Ko Jara

लाह समान लंक जरि गई।जय जय धुनि सुरपुर नभ भई॥

Laah Samaan Lank Jari GaiJai Jai Dhuni Surpur Nabh Bhai

अब बिलंब केहि कारन स्वामी।कृपा करहु उर अन्तर्यामी॥

Ab Bilamb Kehi Karan SwamiKripa Karahu Ur Antaryami

जय जय लखन प्राण के दाता।आतुर ह्वै दुःख करहु निपाता॥

Jai Jai Lakhan Pran Ke DataAatur Hvai Dukh Karahu Nipata

जय गिरिधर जय जय सुख सागर।सुर समूह समरथ भटनागर॥

Jai Giridhar Jai Jai Sukh SagarSur Samuh Samarath Bhatnagar

ॐ हनु हनु हनु हनुमंत हठीले।बैरिहि मारु बज्र की कीले॥

Om Hanu Hanu Hanu Hanumant HathileBairihi Maru Bajra Ki Kile

गदा बज्र लै बैरिहिं मारो।महाराज प्रभु दास उबारो॥

Gada Bajra Lai Bairihin MaroMaharaj Prabhu Das Ubaro

ॐकार हुंकार महाप्रभु धावो।बज्र गदा हनु विलम्ब न लावो॥

Omkar Hunkar Mahaprabhu DhaavoBajra Gada Hanu Vilamb Na Laavo

ॐ ह्नीं ह्नीं ह्नीं हनुमंत कपीसा।ॐ हुं हुं हुं हनु अरि उर शीशा॥

Om Hnim Hnim Hnim Hanumant KapisaOm Hum Hum Hum Hanu Ari Ur Shisha

सत्य होहु हरि शपथ पायके।राम दूत धरु मारु धाय के॥

Satya Hohu Hari Shapath Paay KeRam Doot Dharu Maru Dhaay Ke

जय जय जय हनुमंत अगाधा।दुःख पावत जन केहि अपराधा॥

Jai Jai Jai Hanumant AgaadhaDukh Pavat Jan Kehi Aparaadha

पूजा जप तप नेम अचारा।नहिं जानत कछु दास तुम्हारा॥

Puja Jap Tap Nem AcharaNahin Janat Kachhu Das Tumhara

वन उपवन मग गिरि गृह माहीं।तुम्हरे बल हम डरपत नाहीं॥

Van Upvan Mag Giri Grih MahinTumhare Bal Ham Darpat Nahin

पांय परौं कर जोरि मनावौं।येहि अवसर अब केहि गोहरावौं॥

Paanya Parau Kar Jori ManavauYehi Avasar Ab Kehi Goharavau

जय अंजनि कुमार बलवंता।शंकर सुवन वीर हनुमंता॥

Jai Anjani Kumar BalwantaShankar Suvan Veer Hanumanta

बदन कराल काल कुल घालक।राम सहाय सदा प्रतिपालक॥

Badan Karaal Kaal Kul GhalakRam Sahaay Sada Pratipalak

भूत प्रेत पिशाच निशाचर।अग्नि बैताल काल मारी मर॥

Bhoot Pret Pishach NishacharAgni Baital Kaal Mari Mar

इन्हें मारु तोहि शपथ राम की।राखु नाथ मरजाद नाम की॥

Inhen Maru Tohi Shapath Ram KiRakhu Nath Marjaad Naam Ki

जनकसुता हरि दास कहावो।ताकी शपथ बिलंब न लावो॥

Janaksuta Hari Das KahaavoTaki Shapath Bilamb Na Lavo

जै जै जै धुनि होत अकासा।सुमिरत होय दुसह दुःख नाशा॥

Jai Jai Jai Dhuni Hot AkasaSumirat Hoye Dusah Dukh Nasha

चरण शरण कर जोरि मनावौं।यहि अवसर अब केहि गोहरावौं॥

Charan Sharan Kar Jori ManavauYahi Avasar Ab Kehi Goharavau

उठु उठु चलु तोहि राम दुहाई।पांय परौं कर जोरि मनाई॥

Uthu Uthu Chalu Tohi Ram DuhaiPaanya Parau Kar Jori Manai

ॐ चं चं चं चं चपल चलंता।ॐ हनु हनु हनु हनु हनुमंता॥

Om Chan Chan Chan Chan Chapal ChalantaOm Hanu Hanu Hanu Hanu Hanumanta

ॐ हं हं हाँक देत कपि चंचल।ॐ सं सं सहमि पराने खल दल॥

Om Han Han Haank Det Kapi ChanchalOm San San Sahami Paraane Khal Dal

अपने जन को तुरत उबारो।सुमिरत होय आनंद हमारो॥

Apne Jan Ko Turat UbaroSumirat Hoye Aanand Hamaro

यह बजरंग बाण जेहि मारै।ताहि कहो फिरि कौन उबारै॥

Yah Bajrang Baan Jehi MaraiTaahi Kaho Firi Kaun Ubarai

पाठ करै बजरंग बाण की।हनुमत रक्षा करै प्राण की॥

Path Karai Bajrang Baan KiHanumat Raksha Karai Pran Ki

यह बजरंग बाण जो जापै।ताते भूत प्रेत सब कांपे॥

Yah Bajrang Baan Jo JapaiTaate Bhoot Pret Sab Kaanpe

धूप देय जो जपै हमेशा।ताके तन नहिं रहै कलेशा॥

Dhoop Dey Jo Japai HameshaTaake Tan Nahin Rahai Kalesha

॥दोहा॥

Doha

प्रेम प्रतीतिहि कपि भजै, सदा धरै उर ध्यान।तेहि के कारज सकल शुभ, सिद्ध करैं हनुमान॥

Prem Pratitihi Kapi Bhajai, Sada Dharai Ur DhyaanTehi Ke Karaj Sakal Shubh, Siddh Karain Hanuman